هند عاكف: صحيح أنا بلبس حاجات غريبة بس مبأذيش حد.. وبطالب حسين فهمي ينتقي المدعوين

هند عاكف: صحيح أنا بلبس حاجات غريبة بس مبأذيش حد.. وبطالب حسين فهمي ينتقي المدعوين

تحدثت الفنانة هند عاكف، عن أزمتها في مهرجان القاهرة السينمائي في دورته الأخيرة، وعن فساتينها المختلفة في المهرجانات الفنية، ووجهت رسالة للفنان حسين فهمي.

 هند عاكف تعلق على أزمتها في مهرجان القاهرة السينمائي

وقالت الفنانة هند عاكف في تصريحات تلفزيونية: أنا بلبس حاجات غريبة بس مبأذيش حد علشان أبقى بخالف الدريس كود والدريس كود على عيني وعلى راسي بس لو اتبعتلي دعوة واتطلب مني عدم مخالفته، لكن أناجيت ليه تحرجوني! والمهرجان ده لو مهرجان خاص لو قطعتي رقبتي ما كنتش روحت من غير دعوة لكن ده مهرجان بلدي دي مش حفلة واللي حصل معايا ده إساءة وماكنش يجب إنه يحدث أبدا، وبطالب أستاذ حسين فهمي لازم ينتقى الكشف بتاع المدعوين ومين الناس اللي تستحق وعلى رأسهم الفنانين وبعد كده أي حد تاني.

وأضافت الفنانة هند عاكف: ولو هما مرضيوش يبعتولي دعوة علشان لبسي ففي ناس كتير كانت لابسة فساتين كتير مستفزة وفيها إثارة والشارع مش بيحبها منهم الفنانة سلمى أبو ضيف وهبة السيسي وأكتر من حد تاني والبلوجر بيروحوا علشان يتصوروا على الريد كاربت مش علشان شغل لكن أنا بحضر الأفلام علشان أتعلم لغاية النهاردة.

أزمة هند عاكف

يشار إلى أن الفنانة هند عاكف مرت بأزمة خلال فعاليات مهرجان القاهرة السينمائي وهي منعها من دخول المهرجان وعدم إرسال دعوة لها وحدثت مشاجرة وقتها بينها وبين المنظمين على البوابة حتى تدخل العديد من الفنانين لإنهاء الموقف ودخلت بعدها هند عاكف المهرجان.

المصدر: هند عاكف: أنا بلبس حاجات غريبة بس مبأذيش حد.. وبطالب حسين فهمي ينتقي المدعوين (cairo24.com)