طرح مطرب الراب مروان موسى أغنية جديدة تحمل عنوان “مسافات”، من ألبومه المصغر “فلوريدا دارك مود”.
وتقول كلمات الأغنية الجديدة:
مسافات مسافات
من صغر سني انا مقضيها لف على البلاد
حسابات حسابات
كل غلطة وليها تمن، شوف بكام ع الميزان
خناقات خناقات
حط خط تحت كل الكلمات اللي بتتقال
يا سلام يا سلام
وزني زاد، جاهز أنزل بالمسمار عالحزام
انا في سيدان وسايق فيها بس شايف الدنيا سبعة
لو ماكنتش اتطورت كنت متّ من الفجعة
مسافة تخض لو ع الوقعة
بس نوعاً ما اتاقلمت، الميّة هنا دايمًا ساقعة
عايشها راجل في قلب الجلب جريء
الحرب ابتدت أكيد
القلب اتقلب حديد
موقف اتقلب والزحمة على الطريق
إزاي أبقى في مركز تاني والدهب ده في الوريد
الـGPS مودّي فوق
مش محتاج الكود مش محتاج البصمة
معيش نضارة شمس ولا معايا قطرة
في وقت اتهزت مني فكرة إني طفرة
كتاب حياتي مِدَّرَك زي حسن الأسمر
والله انا موهوب بس الناس بتستكتر
نفسي في الريسبيكت م المجال مش أكتر
أو شنطة كبيرة أعبي فيها الورق الأخضر
إستنيني وصدقيني مش هتأخر
دي مشاويري وهمشي فيها لوحدي افضل
وإنت لو كان ليك رأي كنت تقول
بدل ما تعمل فيها old school
انا ناسي مابتفهمش غير في أصول
انا ناسي فا بالتالي مش مسئول
ماشي وسط الضلمة للمجهول
حاسس ليه حياتي ماشية في loop
فاكرها هاتكون ملاهي طلعت سوق
ناس قاعدين بيبيعوا وبيشتروك
الـGPS مودّي فوق
كل ده مكتوب، كل ده مكتوب
نورت لنفسي السكة وقمت ناطط في البعيدة
طابخ الجريمة، قائد الكتيبة
إسمع مني وفكك م المواعظ الحكيمة
وإبقو راعوا أسامينا، التفاعل كله لينا
لازم أنجز النهاردة قبل بكرة
حابس نفسي في أمر واقع ومستغني عن الأوكرة
ماسك فلوس في إيدي أكنّي لامم أجرة
بس السكة لسة بعيدة حتى لما تلاقي البوصلة
غيرت رأيي
زي ما اغير USD للمصري
الراجل في المطار بيقولي you must be الأصلي
شوف نصيبي وحظي
بولع ع stage كإن الـ jumanji ده في بطني
محتاج dua lipa في صفي
محتاج 2 at least عشان طلعة تستاهل
تلعب ابيض واسود، الوزير صعب يتاكل
سيبني في المحيط أنا شرير هعرف أتعامل
أو سيبني أروح باريس فوق برج إيفل هانتقابل
يابني انا قارص
شاب شايل مني جاب مجانص
suarez
باقطم في الكلام عشان مش ناقص
أنا مركز
شارب monkey وقاعد بمكّس
قلتلها شيلي رجلك قمت قايم عامل adlibs
بطل كمال اجسام وانا باتغابى عالحديدة
مسمار نازل يثبت القواعد الجديدة
تحية لأي حد حس مني في يوم بالغيرة
وأقنعني إن المسافة كانت بعيدة
ويضم ألبوم “فلوريدا دارك مود” حتى الآن تراكات “تشامبيونز ليج”، “سواريز”، “مسافات”، “بيج مود”، “صاحبي”، وهو متاح عبر منصة أنغامي.
وأحيا مروان موسى مؤخرا حفلا غنائيا في مسرح إستاد الهوكي الدولي، بمجمع إستادات القاهرة بمدينة نصر، بمشاركة عفروتو، الضبع، كريم إنزو ويونيو.
التعليقات