بعد أزمته مع شيرين.. والد حسام حبيب مدافعا عن نجله: أخلاقه زي الملايكة | خبر – صحيفة الصوت

عبر حسين حبيب والد الفنان حسام حبيب عن دعمه ومساندته لنجله بعد أزمته الأخيرة مع شيرين عبد الوهاب.

وعبر حسابه على Facebook، كتب والد حسام حبيب منشورا يدافع فيه عن نجله ويدعو له وقال “والله مش عشان ابني، ده أخلاقه زي الملايكة، أنا شخصيا بتعلم منه”، وتابع “اللهم انصره كما نصرت داوود ونجه كما نجيت موسى واحميه كما حميت إبراهيم من النار”.

وأضاف حسين حبيب “قال النبي أحسنكم أحسنكم خلقا، الله ناصرك على كل مفترى كداب وعلى ناكر الجميل هل جزاء الإحسان إلا الإحسان”.

حلا شيحة تنفي طلاقها من معز مسعود: سبب كبير لحاجات جميلة في حياتي

يذكر أن شيرين عبد الوهاب تحدثت في مداخلة هاتفية عن أزمة جديدة بينها وبين حسام حبيب في مداخلة هاتفية مع الإعلامية لميس الحديدي، وقالت: أنا ست قاعدة في أمان الله مع عيالي بقالنا 4 سنين شايفين الويل سافرنا الساحل لمدة أسبوع علشان ننبسط بناتي نفسيتهم تعبانة وأنا كمان بناتي مبيعرفوش يقعدوا معايا، ظروفي كانت ظروف صعبة عايشة مع زوج مبيشتغلش ومبيخرجش كنت محبوسة 24 ساعة في أوضة نومي مبعملش حاجة قاعدة بس أنا غلطت في حق نفسي في حق شيرين عبد الوهاب، بس مش عيب أن الست المشهورة تبقى إنسانة متجوزة وتحاول تحافظ على بيتها زي أي ست، كنت فاكرة أني بحافظ على بيتي بس مكنش بيت، دا كان عشة فران، فار دخل المصيدة وأكل الجبنة لحد ما يموت أنا كنت عايشة العيشة دي.

تابعت: قاعدة في الساحل لقيت تليفون جالي بسرقة عربية مرسيدس بتاعتي وكانت مكتوبة باسم حسام، سرق العربية وهي بأسمه، أنا عندي عربية عاليا أي حد عنده عربية عاليا بيجيب عربية للخروجات الكلاس، جبت عربية مرسيديس قولت يركبها حسام علشان عيب لو وقفه سيادة الضابط في الشارع يوريله الرخص يلاقيها باسم مراته فكان لازم تبقى باسمه جتني ستين نيلة على خيبتي، اتفق معايا بشهود أن في نفس الوقت هيعملي توكيل بالبيع علشان يضمن حقي، وكله طلع كلام في الهواء، دلوقتي بيهددني أن هيعمل محضر ضدي بسرقة العربية.

وكشفت شيرين عبد الوهاب عن تفاصيل الأزمة التي حدثت وبسببها قامت بحلق شعرها وقالت: أحنا أطلقنا لما قصيت شعري طلاق بائن، وبعد ما هديت من الكارثة اللي حصلت حسيت أني لسه مش قادرة استغنى عنه وأني بحبه وليه مديلوش فرصة تانية، ليه ميبقاش في رحمة علاقة الجواز علاقة مقدسة لازم نشتغل ونحافظ عليها كنت بحبه وفكراه ابني مش جوزي، اهتميت بيه وعملت الاستديو علشان شغله واشتريت له كل الأغاني اللي تعجبه بشيكات باسمي علشان متروحش منه، في الآخر يتهمني اني تخينت وبقيت شبه أمي وعاوز واحدة حلوة افتخر بيها دا غير الخناقات اللي فيها ضرب وسحل على الأرض وشتيمة مفيش إنسانة تستحملها.

وكانت شيرين رفعت قضية ضد حسام حبيب تتهمه فيها بالنصب عليها وسرقة سيارة مرسيدس يتخطى سعرها الـ3 مليون جنيه. التفاصيل

اقرأ أيضا:

عمرو أديب يدعم إبراهيم عيسى بعد تهديده بالقتل : “مفيش فكر يواجه بالرصاص”

رانيا يوسف تخطف الأنظار في أحدث ظهور: عش حياتك كما تريد (صور)

هنا الزاهد بعد رقصها مع تامر حسني في حفل العلمين: كنت مخضوضة

#شرطة_الموضة: بوسي على اليخت بفستان من Fendi بـ15 ألف جنيه (صور)

لا يفوتك: “تحليل النغمات” هتتكلم عن “التنين المجنح” المطرب آدم وأغنيته الجديدة أول واحد

حمل آبلكيشن FilFan … و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5