أحمد الدسوقي يوضح حقيقة تساؤل البعض ( ليه بتعمل اعلانات كتير )

1- علم نفس المستهلك انه الانتشارية تعنى الجودة مهما حاولت تثبت العكس دى الحقيقة اللى بينتشر بتحبه حتى لو كانت اغنية وحشة فما بالك لو كانت الانتشارية بقيمة او بافادة للعميل بتاعك شوف هيحبك ازاى

2- الاعلانات ظاهرة صحية لأى بيزنس… انا كمستهلك بترجمها اولا كاهتمام ثانيا كسوشيال بروف انه مادام فيه ميزانية اعلانات مستمرة يبقى اكيد دا بيزنس ناجح يبقى اكيد الناس بتثق فيه فانا كمان هثق فيك

3- البراندات العملاقة بتعمل ده يبقى دا اكيد صح كوكاكولا اعلاناتها مستمرة ليه هو فى حد لسة ميعرفش كوكاكولا نايكى وابل وشركات الاتصالات حتى فيسبوك نفسه بيعمل اعلانات على منصته وعلى المنصات التانية فتخيل البراند المعروف بيعمل اعلانات ما بالك لو لسة عايز يتعرف

4- لانه انا اصلا بقنع الناس باهمية الاعلانات فلو انا مش بعملها لنفسى كدا فى حاجة مش صح.. والمصداقية مش احسن حاجة وانا بقول اى كلام نظرى عشان مش هصرف من فلوسى

5- لانه فعلا الاعلانات الصح مش بتبقى تكلفة دى بتبقى استثمار يجيب عائد يعنى الخلاصة مينفعش تعمل بيزنس من غير اعلانات دا – انا اسف – مش بيزنس